இடைநீக்கம் மூலம் எதிர்க்கட்சி ம.பிக்களை அமைதிப்படுத்துதல் சரியானதா ? அல்லது வேறு மறைவான நோக்கம் இருக்கிறதா?

குளிர்கால கூட்டத்தொடரில் இதுவரை 92 எம்பிக்கள் சஸ்பெண்ட் செய்யப்பட்டுள்ளனர்; குழப்பம் மற்றும் மீண்டும் மீண்டும் ஒத்திவைப்புகளுக்கு மத்தியில் பல மசோதாக்கள் நிறைவேற்றப்பட்டன; அனைத்து ஜனநாயக நெறிமுறைகளும் குப்பைத் தொட்டியில் வீசப்படுகின்றன என காங்கிரஸ் கட்சியின் மல்லிகார்ஜுன் கார்கே தெரிவித்துள்ளார்.

எதிர்க்கட்சிகளுக்கும், அரசுக்கும் இடையே பெரும் பதற்றம் ஏற்பட்டதையடுத்து, 78 எம்.பி.க்கள் நாடாளுமன்றத்தின் இரு அவைகளிலும் திங்கள்கிழமை இடைநீக்கம் செய்யப்பட்டனர்.‌ இந்த அமர்வில் சஸ்பெண்ட் செய்யப்பட்ட எம்.பி.க்களின் மொத்த எண்ணிக்கையை 92 ஆகக்  உயர்ந்தது, இந்திய நாடாளுமன்ற வரலாற்றில் முன்னெப்போதும் நிகழ்திராத  சம்பவம். டிசம்பர் 15 முதல் சஸ்பெண்ட் செய்யப்பட்ட எம்.பி.க்களின் மொத்த எண்ணிக்கை 92 ஆக உள்ளது. மக்களவையில் 33 எம்.பி.க்கள் சஸ்பெண்ட் செய்யப்பட்ட நிலையில், ராஜ்யசபாவில் 45 பேர் சஸ்பெண்ட் செய்யப்பட்டனர். இது 'ஜனநாயகத்தின் மீதான கொலை' என எதிர்க்கட்சித் தலைவர்கள்  எதிர்ப்பு தெரிவித்துள்ளனர்.

சஸ்பெண்ட் செய்யப்பட்டவர்களில்  சிலர் ஆதிர் ரஞ்சன் சவுத்ரி, திமுக தலைவர் டி.ஆர். பாலு, முன்னாள் மத்திய அமைச்சர் தயாநிதி மாறன், திரிணாமுல் காங்கிரஸ் தலைவர் சவுகதா ராய். ராஜ்யசபாவில் கிட்டத்தட்ட 50% எதிர்க்கட்சி பலம் குறைந்து விட்டது. வியாழக்கிழமை, 14 எம்.பி.க்கள் சஸ்பெண்ட் செய்யப்பட்டனர், 13 மக்களவை மற்றும் ஒன்று ராஜ்யசபாவில் இருந்து.

மீண்டும் மீண்டும் ஒத்திவைப்புகள்
மக்களவையில் திங்கள்கிழமை மதியம் 3 மணி அளவில் 33 எம்.பி.க்கள் சஸ்பெண்ட் செய்யப்பட்டனர். சபை மீண்டும் மீண்டும் ஒத்திவைக்கப்பட்ட பிறகு, மக்களவை சபாநாயகர் ஓம் பிர்லா அனைத்து எம்.பி.க்களுக்கும் சனிக்கிழமையன்று எழுதிய கடிதத்தைப் படித்த பிறகு, நாடாளுமன்ற வளாகத்தின் பாதுகாப்பிற்கு தனது அலுவலகம் பொறுப்பு என்று குறிப்பிட்டு மேலும் 14 எம்.பி.க்கள் மீதான அவரது முந்தைய இடைநீக்கம் பாதுகாப்பு மீறலுடன் தொடர்பில்லாதது‌ என்று சுட்டிக்காட்டினார்.

ராஜ்யசபாவில், "தவறான நடத்தை" மற்றும் "தொடர்ந்து கோஷம் எழுப்பியதற்காக" எதிர்க்கட்சி உறுப்பினர்கள் 34 பேரை இடைநீக்கம் செய்யும் தீர்மானத்தை பியூஷ் கோயல் முன்வைத்தார். மேலும், நாளடைவில் சபையின் மையத்தில் நுழைந்து, சபையின் விதிமுறைகளை மீறியதற்காக.

"எதிர்க்கட்சி இல்லாத பாராளுமன்றத்துடன், மோடி அரசாங்கம் இப்போது நிலுவையில் உள்ள முக்கியமான சட்டங்களை புல்டோஸ் செய்ய முடியும், எந்த விவாதமும் இல்லாமல் எந்த கருத்து வேறுபாடுகளையும் நசுக்க முடியும்." ராஜ்யசபா எம்பியும், காங்கிரஸ் தலைவருமான மல்லிகார்ஜுன் கார்கே தனது எக்ஸ் (முன்னாள் ட்விட்டர்)  பதிவில் எழுதினார்.

காங்கிரஸ் மக்களவை எம்.பி சசி தரூர் கூறுகையில், “பாராளுமன்ற அமைப்பில் அரசாங்கத்திடம் பொறுப்புக்கூறக் கோரியதற்காக எம்.பி.க்கள் இடைநீக்கம் செய்யப்பட்டிருப்பது அதிர்ச்சியளிக்கிறது” என்றார்.

டிஎம்சி (அனைத்திந்திய திரிணாமுல் காங்கிரஸ்) ஒரு அறிக்கையில், 46 எம்.பி.க்களுக்கு மேல் இடைநீக்கம் செய்யப்பட்ட நடவடிக்கை  குறித்து "எதிர்ப்புகளை அமைதிப்படுத்துவதில் ஒரு மாஸ்டர் ஸ்ட்ரோக்" என்றும், ஷா இப்போது "சிரமமின்றி மற்றும் வசதியாக ஒரு நிலைப்பாட்டில் அறிக்கையை வெளியிட முடியும்" என்றும் கூறியது.


மோடி அரசு எதிர்க்கட்சி எம்.பி.க்களை சஸ்பெண்ட் செய்துள்ள நிலையில், கடந்த வாரம் நாடாளுமன்ற பாதுகாப்பை மீறியவர்களுக்கு பாஸ் வழங்கிய பாஜக எம்.பி பிரதாப் சிம்ஹா மீது இன்னும் நடவடிக்கை எதுவும் எடுக்கப்படவில்லை.