shabd-logo

4. இரு விந்தைகள்

15 January 2024

1 பார்த்தது 1

மலை அரசியின் மதுர இதழ்களில் இருந்து உதிர்ந்த அந்தக் கொடுமையான சொற்களைக் கேட்டதும், வியப்பும் அச்சமும் கலந்த உணர்ச்சிகள் ராவ்ஜோடாவின் இதயத்தை மளடுருவிச் சென்றன. அப்படி அவன் நடுங்கியதை பக்கத்தில் உட்கார்ந்து இருந்த பிரம்மச்சாரியான ஹர்பா சங்க்லாவும் உணர்ந்திருக்க வேண்டும். அவர் கருணைக் கண்கள் மார்வார் இளவரசனை நோக்கின அனுதாபத்துடன். அதே சமயத்தில் எரிகிற கொள்ளியில் எண்ணெயை ஊற்றுவது போல ஜோகி சொன்னார் தீர்மானமான குரலில். “பிரம்மச்சாரிணியின் வாயிலிருந்து வரும் வார்த்தைகள் என்றும் பொய்யாவது இல்லை.”
ஜோகியின் சொல் கேட்ட ராவ்ஜோடாவின் மனநிலை மீண்டும் அதிர்ச்சிக்கு உள்ளாகியது. ‘இவ்வளவு அழகிய பெண் பிரம்மச்சாரிணியா? மற்றவர்கள் தொடக் கூடாதவளா?’ என்று தனக்குள் கேள்விகளை எழுப்பிக் கொண்டான் ஜோடா.
ஜோகி மீண்டும் நகைத்தார். “ஏன், கிரிஜா பிரம்மச்சர்ய விரதம் பூண்டிருப்பது உனக்கு விந்தையாக இருக்கிறதா?” என்றும் கேட்டார் நகைப்பின் ஊடே.
“கிரிஜாவா?” வியப்பு, குரலில் ஒலிக்க வினவினான். மார்வார் இளவரசன்.
“அவள் பிறந்தபோது பெற்றோர்கள் இட்ட பெயர் மகாசக்தியான பார்வதியின் பெயர். கிரிஜா-அதாவது மலைமகள் - என்ற பெயரை கிரிராணி என்று நான் மாற்றினேன். அவள் மலையை ஆளத் துவங்கிய பிறகு கிரி ராணிக்கு தமிழ் மொழி பெயர்ப்பை அளித்து, மலை அரசி ஆக்கினேன். திராவிடப் பிரதேசத்தில் இருந்து என்னைக் காண வந்த ஒரு சித்தரை திருப்திபடுத்த” என்று ஜோகி விளக்கினார்.
ஜோடா மேலும் வாயைப் பிளந்தான், “திராவிட நாட்டு சித்தரா!” என்று கேட்டான் பிரமிப்புடன்.
ஜோகி நிஷ்டையில் ஆழ்ந்துவிட்டவர் போல் கண்களை மூடிக்கொண்டு பேசலானார்: “ஜோடா! இந்த பாரதம் ஒரு பெரும் புண்ணிய பூமி. இதில் ஆதி காலத்தில் இருந்து ரிஷிகளும், யோகிகளும், சித்தர்களும், பித்தர்களும் திரிந்து வருகிறார்கள். சிலர் நூறு ஆண்டில் ஜோதி சொரூபம் ஆகிறார்கள். இன்னும் சிலருக்கு ஐந்நூறு அல்லது ஆயிரம் ஆண்டு கழித்து அந்த பாக்கியம் கிடைக்கிறது. சிலர் அதையும் வேண்டாது தவமே சுகம் என்று, உலகம் ஏற்பட்ட நாளாய் இருந்துகொண்டு இருக்கிறார்கள். இந்திரிய வசப்பட்ட மக்களின் கண்களில் இவர்கள் படுவது இல்லை. ஆனால், தவசிகள் எங்கும் போகிறார்கள். கண நேரத்தில் விரும்பிய இடத்தை அடைகிறார்கள். அப்படி வந்தார் சித்தர் இங்கு நாங்கள் கலந்து பேசினோம்...” ஜோகி வாசகத்தை முடிக்கவில்லை.
இதையெல்லாம் கேட்டு பிரமித்த ராவ் ஜோடா கேட்டான். “ஒருவர் ஆயிரம் ஆண்டுகள் இருக்க முடியுமா?” என்று.
“அது அவரவர் சித்தியைப் பொறுத்தது. தவவலிமையைப் பொறுத்தது. ஆயிரம் ஆண்டு நீருக்குள் மூழ்கி தவம் புரிந்தவர்களைப் பற்றி நீ படித்தது இல்லையா?” என்று வினவிய போதும் ஜோகி கண்களைத் திறக்கவில்லை.
“புராணங்களில் படித்திருக்கிறேன்.” ஜோடா சொன்னான் ஏதோ சொல்ல வேண்டும் என்பதற்காக.
“புராண காலங்களோடு அவர்கள் போகவில்லை. எந்த ஜோகியும் இஷ்டப்பட்டால் இந்த உடலை நீத்துவிடுவான்.”
“இல்லையேல்?”
“இருப்பான், பீஷ்மர் தமது சாவைத் தள்ளிப் போட்டு, வேண்டும் போது இறந்ததைப் படித்தது இல்லையா?”
“படித்திருக்கிறேன்.”
“அது மாதிரிதான் ஜோகிகளும் சித்தர்களும். இந்த ஹர்பா சங்கலாவும் அத்தகைய நிலையை அடையலாம் அவர் கட்டியிருக்கும் வாளைத் துறந்தால்.”
ஜோகியின் இந்த வார்த்தையைக் கேட்ட பிரம்மச்சாரி நகைத்தார். பெரிதாக, “அந்த பாக்கியம் எனக்கு இல்லை. வாளைத் துறப்பதைவிட உயிரைத் துறப்பேன்” என்றார் நகைப்பின் ஊடே.
“அது உன் விருப்பம் ஹர்பா சங்க்லா” என்றார் ஜோகி, பெருமூச்சுவிட்டு.
அப்பொழுது இடைபுகுந்து கேட்டான் ஜோடா. “ஜோகி! தாங்கள் அந்த திராவிட சித்தருடன் என்ன பேசினீர்கள்?” என்று.
“உலக முறையில் பேசவில்லை. இருவரும் வாயைத் திறக்கவில்லை” என்றார் ஜோகி.
அதுவரை வாளாவிருந்த அந்தப் பெண் குறுக்கே புகுந்து “சித்தர்கள் சந்திக்கும்போது வாயால் பேசுவது இல்லை. சிந்தையால் பேசிக்கொள்கிறார்கள். நீ அதைப் புரிந்து கொள்வது கஷ்டம்” என்றாள்.
இந்த ஜோகி சித்தர் விவகார வேதாந்தம் மண்டையைக் குழப்பியதால் ஜோடா அதைவிட்டு தனது சொந்த விவகாரத்தைப் பற்றிக் கேட்டான். “ஜோகி! அடுத்து நான் என்ன செய்யட்டும்?” என்று வினவினான்.
“உன் தலைநகருக்குப் போ” என்றார் ஜோகி.
“மண்டோருக்கா?”
“ஆம்,”
“அங்கு இருந்து நான்கு நாளில் நான் வெளியேற நேரிடும் என்று மலை அரசி சொன்னாளே.”
“அவள் சொன்னால், அது சாத்தியம்.”
“நான்கு நாளில் மீண்டும் நான் ஓடவேண்டுமா?”
“ஆம்.”
“அப்படியானால் நான் போவானேன்?”
“உன் கர்மாவைப் பூர்த்தி செய்ய. இந்த ஹர்பா சங்கலாவின் உதவி கிடைக்கும் வரை நீ நாடு இழந்து, நகரம் இழந்து ஓடுவாய். பிறகு நீ இந்த மலைமீது ஒரு கோட்டையைக் கட்டுவாய். அது உன் பெயரால் ஜோட்பூர் என்று பிரசித்தமாகும். பெரும் அரசை நீ நிறுவுவாய். இது உன் தலையெழுத்து. ஆனால், மேலும் உன் கைகளில் ரத்தக்கறை படியும். எப்படியென்று கேட்காதே. கர்ம வினைகளில் இருந்து நீ தப்ப முடியாது. ஆகையால் சொல்கிறபடி செய்... போ உன் நகரத்துக்கு” என்று உத்தரவிட்டார், ஜோகி. பிறகு மவுனமாகிவிட்டார். அவர் கண்கள் மூடின. அதை அறிந்து கொண்டது போல் அவர் எதிரில் இருந்த விளக்குச்சுடர் மெள்ள இழிந்து இழிந்து அடங்கியது.
“ஜோகி சமாதியில் ஆழ்ந்துவிட்டார். செல்லுங்கள் வெளியே” என்ற மலை அரசியின் கண்டிப்பும் அதிகாரமும் நிறைந்த குரலைக் கேட்ட மார்வார் இளவரசனும் ஹர்பா சங்க்லாவும் எழுந்தார்கள்.
ஹர்பாசங்கலா வெளியே நடந்தார் பதில் பேசாமல். அவர் பெரும் காலடிச் சத்தம் குகையை அதிரச் செய்தது. அடுத்த சில வினாடிகளில் அவர் புரவி, மலைச்சரிவில் பாய்ந்து செல்லும் பெரு ஒலியும் ஜோடாவின் காதில் விழுந்தது.
ராவ்ஜோடா ஜோகியை நோக்கினான். அவர் முகம் ஏதோ பெரிய விளக்கு போல் பிரகாசித்தது. அப்பொழுது மீண்டும் பந்தத்தை அணைத்துவிட்டாள் பிரம்மச்சாரிணி. “நீயும் வெளியே செல்லலாம்” என்றாள் அதிகாரத்துடன்.
ஜோகியின் முகத்தின் பிரகாசம் குகைக்கு மந்தமான வெளிச்சத்தை அளித்தது.
அதில் ஆழ்ந்துவிட்ட மலை அரசியின் கண்கள் மூடின. அவள் முகம் ஜோகியின் முகத்தில் இருந்து கிளம்பி குகையில் பரவிவிட்ட ஜோதியில் மங்கலான உதயகால சந்திரன் போல் பெரு மயக்கத்தை அளித்தது. ஏதோ தேவதை போல் அசைவற்று உணர்வற்று நின்றிருந்தாள், அவள்.
அவளுடைய வனப்பு மார்வார் வாலிபன் மனதை பார்த்தும் அவனால் அவளை நோக்கி ஓர் அடியெடுத்து வைக்க முடியவில்லை.
சில நிமிடத்துக்குப் பிறகு கண்களைத் திறந்தாள் அவள். எதிரே நின்ற ராஜபுத்திரனை ஏறிட்டுப் பார்க்காமல், கனவில் நடப்பதுபோல் அவனையும் தாண்டி குகைக்கு வெளியே நடந்தாள். ராவ்ஜோடா அவளைப் பின்பற்றினான்.
குகைக்கு வெளியே வந்த பின்பும் அவள் நிற்கவில்லை. மலைக்காட்டுக்குள் போய்க் கொண்டிருந்தாள். அவள் கீழோ மேலோ பக்கங்களிலோ பார்க்காமல் நடந்தாள்.
அவளைப் பின்பற்றிய ஜோடா இரண்டு விந்தைகளைக் கண்டான். இரண்டும் அவனைப் பிரமிக்க வைத்தன. அவள் மானிடப் பெண் அல்ல, ஏதோ மோகினிப் பிசாசு என்று திகைத்தான். அதன் விளைவாகத் திரும்பி ஓடினான் வந்த திசையை நோக்கி.

சாண்டில்யன் மூலம் மேலும் புத்தகங்கள்

40
கட்டுரைகள்
மலை அரசி
0.0
மாலை அரசி தமிழ் மொழியில் எழுதப்பட்ட ஒரு அற்புதமான வரலாற்று நாவல். பிரபல தமிழ் எழுத்தாளர் சாண்டில்யன் இந்த மனதை மயக்கும் புத்தகத்தை எழுதியுள்ளார். சாண்டில்யன் வரலாற்றுப் புனைகதைகளுக்காகப் புகழ்பெற்ற தமிழ் எழுத்தாளர் ஆவார், மேலும் அவர் தனது வரலாற்று, காதல் மற்றும் சாகச நாவல்களுக்காக நன்கு அறியப்பட்டவர், இது பெரும்பாலும் சோழ மற்றும் பாண்டிய பேரரசுகளின் காலங்களில் அமைக்கப்பட்டது.
1

1. சுடர்க்கொடி

15 January 2024
0
0
0

சரித்திரம், பூமி, வாழ்க்கையின் கர்ம பலன்கள் ஆகிய சகலத்திலும் ஒரு சுழற்சியும் தொடர்ச்சியும் இருப்பதாக சாஸ்திரங்கள் கூறுவதில் எத்தனை உண்மையிருக்கிறதென்பதை, சுற்றிலும் தன்னை எரித்துக்கொண்டிருந்த மணற்பரப்

2

2. விளக்கில் விரிந்த கதை

15 January 2024
0
0
0

வனப்பிரஸ்த ஜோகியின் மலைக்குகை வாயிலில், மரங்கள் அடர்த்தியாயிருந்ததால் இருள் கடுமையாக இருந்த அந்தப் பிராந்தியத்தில், பந்தத்தை கையில் ஏந்தி அதன் சுடர் முகத்தில் வீச சுடர்க்கொடியென்ற காரணப் பெயருக்கு முற

3

3. துணைவன்!

15 January 2024
0
0
0

விரிந்து படர்ந்து எரிந்த விளக்கின் சுடரை விந்தைக் கண்களுடன் நோக்கிய ராவ்ஜோடா. அதில் விரிந்த கதையைக் கண்டதும் மெய்சிலிர்த்துப் போனான். முதலில் அந்தச் சுடரில் ஏதும் தெரியாததால் புரியாமல் விழித்த மார்வ

4

4. இரு விந்தைகள்

15 January 2024
0
0
0

மலை அரசியின் மதுர இதழ்களில் இருந்து உதிர்ந்த அந்தக் கொடுமையான சொற்களைக் கேட்டதும், வியப்பும் அச்சமும் கலந்த உணர்ச்சிகள் ராவ்ஜோடாவின் இதயத்தை மளடுருவிச் சென்றன. அப்படி அவன் நடுங்கியதை பக்கத்தில் உட்கார

5

5. நான் வருவேன்

15 January 2024
0
0
0

வனப்பிரஸ்த ஜோகியின் குகையைவிட்டு வெளியேறிய மலை அரசி, வேகமாக மலையின் அடர்ந்த காட்டுப் பகுதிகளில் நடந்து சென்றதும், விளைவித்த இரண்டு விந்தைகளும் மகாவீரனான மார்வார் இளவரசனை திகில் கொள்ளச் செய்தன என்றால்,

6

6. பெண் துணை!

15 January 2024
0
0
0

பெண்ணின் லாவண்யத்தால் ஆண்மகன் அறிவு அழிந்துவிடுகிறது. கவர்ச்சியான கன்னியின் முன்பாக எந்த ஆண்மகனும் சுயபுத்தியை இழந்துவிடுகிறான். இந்தப் பழைய நிகழ்ச்சிகளுக்கு அத்தாட்சியாக நின்றான் ராவ்ஜோடா. “உனது வீ

7

7. சாகுந்தலம்

16 January 2024
1
0
0

பந்தத்தையும் அணைத்துவிட்டு இருண்ட குகைக்குள் தன்னை வா வா என்று அழைத்த அந்த பருவப் பாவையின் துணிவை நினைத்து ஜோடா திகிலுக்கு இலக்காகி நின்ற நேரத்தில், மலைஅரசியே குகை வாயிலைவிட்டு அவனை அணுகி, அவன் கையைப்

8

8. காட்டு மலர்

16 January 2024
1
0
0

பாவின் வாலிப முரட்டு முகம் அவள் வழவழத்த கழுத்தில் திடீரென அழுந்திப் புரண்டபோது, மலை அரசியின் இதயமும் அந்த வாலிபன் உள்ளத்தைப்போலவே உணர்ச்சி அலைகளில் உருண்டது. அத்தனை உணர்ச்சி எழுச்சியிலும் அரசகுமாரன்

9

9. நிலையற்ற அரசு

16 January 2024
1
0
0

மலை அரசியை “காட்டு மலர்” என்று குறிப்பிட்டதோடு தனது பேச்சை ஜோடா நிறுத்திக்கொண்டு இருந்தால் ஜகத்சிம்மனின் கோபம் தலைக்கு ஏறியிருக்காது. “இவள் மார்வார் ராணி” என்றும் சொல்லவே ஜகத்சிம்மனுக்கு கோபத்துடன் தி

10

10. பறந்த கிளி! தொடர்ந்த துன்பம்!

16 January 2024
1
0
0

மலை அரசியின் சொற்களோ உத்தரவுகளோ மந்திராலோசனை சபையில் இருந்தவர்களுக்குக் கட்டோடு பிடிக்காதிருந்தாலும் அவள் சொன்னதற்கு எல்லாம் ஜோடா தலையை ஆட்டியதால், அவள் கட்டளைகளை நிறைவேற்றுவதில் அவர்கள் எல்லோருமே முன

11

11. மண்டோர் ரணகளம்

16 January 2024
1
0
0

மண்டோரின் பெரும் கதவுகள் சாத்தப்பட்டதாலும் போர்முரசு பலமாக ஒலித்ததாலும் வருவது என்னவென்பதை அறிந்த புது மகாராஜாவான ராவ்ஜோடா, புரவியின் கடிவாளத்தை பிடித்த நிலையிலேயே திகைத்து அமர்ந்துவிட்ட சமயத்தில் மலை

12

12. குகையில்...!

16 January 2024
1
0
0

பெற்றோர் புரிந்த பாவம் சிலரைப் பிடித்து வாட்டுகிறது. உற்றார் செய்த பாவமும் சிலரை விடுவதில்லை. பெற்றோரும் உற்றாரும் விளைவித்த பாவங்களுக்கு எப்பாவமும் அறியாத ஜோடா இலக்கானான். பேரனான மோகுல சிம்மனை சீராட்

13

13. அவள் கனவு!

16 January 2024
1
0
0

மலை அரசியைப் பார்த்து மார்வார் இளவரசனாயிருந்து அரசனாகி, நாட்டையும் பறிகொடுத்த ராவ்ஜோடா, அத்தகைய ஒரு கேள்வியைக் கேட்டான் என்றால், அதற்கு மூலகாரணம் அவளுடைய விபரீதமான பதில்தான். “நாம் தனித்திருப்பது உனக்

14

14. தண்டனை!

17 January 2024
1
0
0

மலை அரசியை தரையில் கிடத்திவிட்டு குகையின் வாயிலுக்கு வந்த ராவ்ஜோடாவின் செவிகளில் ஜகத்சிம்மனும் மற்ற வீரர்களும் ஏறிவந்த புரவியின் குளம்படி ஒலிகள் கூடக் கேட்கவில்லை. குகைக்கு உள்ளே மலை அரசியின் அருகாமைய

15

15. ஹர்பா சங்க்லா!

17 January 2024
0
0
0

மலை அரசியால் மன்னிக்கப்பட்டு ஜோடாகிருக்குச் செல்லும்படி பணிக்கப்பட்ட ஜகத்சிம்மன் உடனடியாகத் திரும்பவில்லை தனது புரவியை நோக்கி நின்ற இடத்திலேயே அசைவற்று நின்றான் பல விநாடிகள். பிறகு சட்டென்று வேகமாக நட

16

16. அந்தி வானம்

17 January 2024
0
0
0

அதிர்ஷ்டம் என்பது ஒரு மனிதனைப் பிடித்துக்கொண்டால் அவனை அது லேசில் விடுவது இல்லை. கூடியவரையில் விடாமல் தொடர்கிறது. துரதிர்ஷ்டக்காரனுக்கு புத்தி பேதலிக்கிறது. காலம் கைகொடுப்பது இல்லை. எதையும் காலங்கடந்த

17

17. வாளின் கதை!

17 January 2024
0
0
0

ஜோடாவைப்பற்றி விசாரித்ததும் மலை அரசியின் மதிமுகம் அந்திவானம் போல் சிவந்துவிட்டதைக் கண்டதுமே நைஷ்டிக பிருமச்சாரியும், எந்தப் பெண்ணையும் கண்ணெடுத்துப் பார்க்காதவரும், பிருமச்சாரி விரதம் கெடக்கூடாது என்ப

18

18. தேடி வந்த அதிர்ஷ்டம்!

17 January 2024
0
0
0

மார்வார் மன்னனையும் மலைக்க வைத்த அந்த விசித்திரக் கதையைச் சொல்லுமுன்பு பிருமச்சாரி அந்தச் சிறு வீட்டின் முற்றத்தை வளைத்திருந்த சுற்றுக் கட்டடத்தின்மீது உட்கார்ந்து கீழ் இருந்த முற்றத்தில் தமது கால்களை

19

19. பாலைவனக் கூடாரம்

17 January 2024
0
0
0

இரவு தந்த இருளில், மலைக்காடு வீசிய இதமான காற்றில், சாளரத்துக்கு அருகில் இருந்த மகிழ மரம் பரவவிட்ட சுகந்தத்தின் சூழ்நிலையில், மலை அரசியை சூழ்ந்து நெருக்கிய ஜோடாவின் கரங்கள் நெருக்கியதோடு நில்லாமல் இன்ப

20

20. கரிய புரவி! கழுத்தில் ஈட்டி!

18 January 2024
0
0
0

ஜோடாவின் பரம விரோதியான சந்தசிம்மனின் மூத்த மகன் காந்தாஜி தன் வாளை உருவிக்கொண்டு ராவ் ஜோடாவை அணுகுவதற்கு முன்பே ஜோடா பிருமச்சாரியளித்த தனது பெரிய வாளை உருவி எதிரியைத் தடுத்தான். அவனைச் சேர்ந்த பத்து பத

21

21. மலைச்சாரல் ஓசை

18 January 2024
0
0
0

கழுத்தில் பதித்திருந்த ஈட்டி சற்றும் அசையாமல் இருந்தாலும் அதில் ஒரு திடமும், ஈட்டியைப் பிடித்திருந்தவன் கையில் ஈவு இரக்கமற்ற ஓர் உறுதியும் இருந்ததைக் கவனித்த ராவ்ஜோடா, தான் சிறிது அசைந்தாலும் அந்த ஈட்

22

22. பரீட்சை

18 January 2024
0
0
0

பாபுஜியின் நூறு புரவிகள் ஏதோ பெரும் புயலைப் போல் மலைச்சரிவில் வந்ததாலும், அவை கண்ணிமைக்கும் நேரத்தில் தனது புரவியில் இருந்து தன்னை வீழ்த்திவிட்டதாலும் மலைப்பாறையில் புரண்ட ஜோடா வெகு துரிதமாகப் பாறையில

23

23. அடவியில் ஒரு காட்சி!

18 January 2024
0
0
0

நீண்டநாள் பிரிந்த மகனை ஆர்வத்துடன் தழுவும் தந்தை போல ஜோடாவை பல விநாடி தழுவி நின்ற பாபுஜி, கடைசியில் அவனுக்குத் தமது கைகளில் இருந்து விடுதலை அளித்தபோது அவர் கண்களில் ஆனந்தக் கண்ணீர்த் துளிகள் இரண்டு தே

24

24. காதல் பாபமா?

18 January 2024
0
0
0

அடர்ந்த அந்த அடவிக்குள் நாலைந்து பங்கஜங்களை நீர்மட்டத்துக்குமேல் காட்டிக்கொண்டிருந்த சிறு வாவியின் கரையில் மலை அரசியும் ஜோடாவும் உட்கார்ந்திருந்த நிலையைக் கண்டதும் இரண்டு பிருமச்சாரிகளும் தங்கள் பிரும

25

25. ஜோடாவின் துணிவு!

18 January 2024
0
0
0

பாபுஜியும், பிருமச்சாரியும் விழிப்பதைப் பார்த்த ஜோடா, “உங்கள் இருவருக்கும் வரவர சுயநம்பிக்கை போய்விட்டது” என்று ஓர் அம்பை வீசினான். அதுவரை தாங்கள் கண்ட காட்சியால் குழப்பத்தில் இருந்த இரு பிருமச்சாரி

26

26. சாவுகாரைப் பிடித்த சனியன்!

18 January 2024
0
0
0

மண்டோர் அரசின் முதலமைச்சராயிருந்து, சந்தசிம்மன் ஆக்கிரமிப்புக்குப் பின்பு அந்தப் பதவியில் இருந்து விலகி, அரண்மனையில் தமக்கு முன்னாள் மன்னனால் அளிக்கப்பட்டு இருந்த இடத்தையும் சந்தசிம்மனிடம் ஒப்புடைத்து

27

27. அடைத்த கதவு!

18 January 2024
0
0
0

காந்தோஜியின் குறுவாள் அழுந்தியதாலும், எச்சரிக்கையாலும், அவன் பின்னால் நின்றிருந்த மஞ்சாஜியின் உதடுகளில் துளிர்த்திருந்த குரூரப் புன்முறுவலாலும், சாவுகார் அஞ்சி நடுநடுங்கிவிடுவார் என்றோ, முன்னே நடந்துவ

28

28. வேடர் குடிசை மர்மம்!

18 January 2024
0
0
0

கோட்டைக் காவலன் சொன்ன செய்தியால் மலைத்த இருவரில் சாவுகாரே முதலில் திகைப்பை உதறிக்கொண்ட தன்றி சமயாசந்தர்ப்பம் தெரியாமல் கோப்தையும் காட்டினார். “காவலனே! வணிகர்களைத் தடை செய்யும் வழக்கம் மார்வாரில் கிடைய

29

29. உள்ளே ஒரு பெண் குரல்!

18 January 2024
0
0
0

அன்று பகல் முழுவதும் மார்வார் படைத்தலைவனான ஜகத்சிம்மனுக்கும் மண்டோர் கோட்டை காவலனுக்கும் உணவு முதலிய விஷயங்களில் ராஜோபசாரம் நடந்தாலும், அவ்விருவரும் கேட்ட கேள்விகளுக்கு மட்டும் எந்த வேடனும் நேரடியாக ப

30

30. ஜோடாவின் துன்மார்க்கம்!

19 January 2024
1
0
0

மூன்று குணங்களை மனிதன் தவிர்ப்பது நல்லது. தனக்கு சம்பந்தமில்லாத விஷயங்களில் அக்கறை காட்டுவது, ஒன்று. ஒட்டுக் கேட்பது, இரண்டு. காலதாமதம் செய்வது, மூன்று. இந்த மூன்றில் ஏதாவது ஒரு குணமே யாரையும் இக்கட்ட

31

31. மணக்கோலம்!

19 January 2024
1
0
0

வீரனாகப் படைகளை இயக்கி, இழந்த அரசை மீட்பதில் சித்தத்தை செலுத்த வேண்டிய மார்வார் மன்னன், கேவலம், பெண் மோகம் கொண்டவனாகக் குடிசையில் மறைந்து கொண்டு காலத்தை ஓட்டுவதை நினைத்த ஜகத்சிம்மன் வேடவர் குடிசைக் கூ

32

32. சந்திர முகம்

19 January 2024
1
0
0

மண்டோர் படைத்தலைவனான ஜகத்சிம்மன் தனது மன்னனின் திருமணத்தையே நிறுத்த முயன்றதும், அதற்காகக் கூச்சலிட்டதும் பலருக்கு கோபத்தையும் சிலருக்கு வியப்பையும் உண்டாக்கினாலும், பிருமச்சாரி ஹர்பாசங்க்லாவோ, திருமணப

33

33. இழந்த சொர்க்கம்

19 January 2024
1
0
0

ராவ்ஜோடாவின் அணைப்பில் இருந்த அழகியின் சந்திர வதனத்தைக் கண்டதும் ஜகத்சிம்மன் திகைப்பும் அதிர்ச்சியும் ஒருங்கே அடைந்தான் என்றால் அதற்குக் காரணம் இருக்கவே செய்தது. அந்த முகம் மலை அரசியின் முகம்! முகத்

34

34. பதவி இறக்கம்!

19 January 2024
1
0
0

மலை அரசியின் மறுபிம்பம் போன்ற மின்னிடையாளுடன், ஜோடா கலந்து விளையாட இருந்த சமயத்தில் பிருமச்சாரி ஹர்பாசங்கலா அங்கு தோன்றியதும் கதவைத் தட்டியதும் பரமானந்தமாயிருந்தது, மண்டோர் படைத்தலைவன் ஜகத்சிம்மனுக்கு

35

35. மீண்டும் வந்தாள்!

19 January 2024
1
0
0

மண்டோரின் படைத்தலைவனாக இருந்த தன்னை திடீரென உபதளபதியாக்கிவிட்ட மன்னன் செயலைக் கண்டு மனம் துடித்த ஜகத்சிம்மன் அந்த அவமானத்தில் இருந்து எப்படி மீளலாம் என்று சிந்தித்தான். அது தவிர இந்த திடீர் பதவி இறக்க

36

36. மண்டோர் சமர்

19 January 2024
1
0
0

கேவலம், ஒரு பெண், புரவியில் இருந்து இறங்க, அவள் காலுக்குப் படியாக தனது இரு கைகளையும் கோத்து நீட்டிய பிருமச்சாரியிடம் பெரிதும் வெறுப்புக் கொண்டான், ஜகத்சிம்மன். பிருமச்சாரி உண்மையில் பெரும் போலி பிருமச

37

37. மணலில் தோய்ந்த ரத்தம்

19 January 2024
1
0
0

மண்டோர் போரில் மாவீரர்களான சந்தசிம்மன் புதல்வர்கள் அடைந்த தோல்விக்குக் காரணம் தாங்கள் போரிடும் எதிரிகளின் திறனை அவர்கள் தவறாக எடைபோட்டதுதான் என்று கர்னல் ஜேம்ஸ்டாட் தமது ராஜபுதன வரலாற்று நூலில் தெளிவா

38

38. துரோகி!

19 January 2024
1
0
0

மலை அரசி தனது வளையல் கரங்களை நீட்டி தன்னைக் கைது செய்யும்படிக் கேட்டுக்கொண்டதும் காந்தோஜி தனது தம்பியின் மரணத்தையும் மறந்து வியப்பையும் அதிர்ச்சியையும் ஒருங்கே அடைந்தான். அப்பொழுதும் மலை அரசி வேட்டுவர

39

39. வேகம்! தாகம்!

19 January 2024
1
0
0

மேவாரின் தலைநகரான சித்தூரில் இருந்து தப்பி ஓடிவந்து லூனி ஆற்றின் உப்பு நீரில் தந்தையின் மரணத்துக்கு நீராடிய அதே துறையில், கிட்டத்தட்ட அதே இடத்தில் தங்கள் வம்ச துர்ப்பாக்கியத்துக்கும் அவப் பெயருக்கும்

40

40. அரசி ஆன, மலை அரசி!

19 January 2024
1
0
0

மலை அடிவாரப் புதரில் மலை அரசி மல்லாந்து கிடந்த கோலம் மண்டோர் மன்னனின் வெறியைக் கிளறிவிடவே, அவன் உலகத்தையே மறந்து, அதுவரை நேர்ந்த நிகழ்ச்சிகளால் மனம் ஏற்படுத்திய கட்டுப்பாடுகளையும் தடைகளையும் உதறி அவள்

---

ஒரு புத்தகத்தைப் படியுங்கள்