ஆப்கானிஸ்தான் அணியிடம் இங்கிலாந்து தோல்வி பெறும் என்பதை கணித்த ஜோதிடர் ட்வீட் சமூக வலைதளங்களில் வைரலாகி வருகிறது.
13-வது ஒருநாள் (50 ஓவர்) உலகக் கோப்பை கிரிக்கெட் திருவிழா இந்தியாவின் பல்வேறு நகரங்களில் விறுவிறுப்பாக நடைபெற்று வருகிறது. இந்த தொடரில் நேற்று டெல்லியில் நடந்த போட்டியில் நடப்பு சாம்பியனான இங்கிலாந்து - ஆப்கானிஸ்தான் அணிகள் மோதின. மிகவும் பரப்பராக அரங்கேறிய இந்தப் போட்டியில் முதலில் பேட்டிங் செய்த ஆப்கானிஸ்தான் 284 ரன்கள் எடுத்தது.
இந்த இலக்கை துரத்திய இங்கிலாந்துக்கு அதிர்ச்சி வைத்தியம் கொடுத்தது ஆப்கானிஸ்தான். அந்த அணி விரித்து போட்ட சுழல் வலையில் சிக்கித் தவித்த இங்கிலாந்து அணி ரன்கள் சேர்க்க போரடியாது. ஹாரி புரூக் (66 ரன்) மற்றும் டேவிட் மாலன் (32 ரன்) ஆகியரைத் தவிர மற்ற வீரர்கள் சொற்ப ரன்னுக்கு வெளியேறி ஏமாற்றம் கொடுத்தனர். பந்துவீச்சில் மிரட்டி எடுத்த ஆப்கானிஸ்தான் 69 ரன்கள் வித்தியாசத்தில் இங்கிலாந்தை வீழ்த்தி வரலாற்றுச் சிறப்புமிக்க வெற்றியைப் பெற்றது.
நடப்பு சாம்பியனான இங்கிலாந்தை சாய்த்த ஆப்கானிஸ்தானுக்கு உலகக் கோப்பை கிரிக்கெட் வரலாற்றில் இது இரண்டாவது வெற்றியாகும். இந்த வெற்றியை 8 வருட நீண்ட இடைவெளிக்குப் பிறகு ஆப்கானிஸ்தான் ருசித்துள்ளது.