மறைந்த விஜயகாந்த்தின் இல்லத்திற்கு இன்று நேரில் சென்ற மத்திய அமைச்சர் பியூஷ் கோயல்

மறைந்த விஜயகாந்த்தின் இல்லத்திற்கு இன்று நேரில் சென்ற மத்திய அமைச்சர் பியூஷ் கோயல், அங்கு வைக்கப்பட்டுள்ள அவரது திருவுருவப்படத்திற்கு மலர் தூவி மரியாதை செலுத்தினார். 

நடிகரும், தே.மு.தி.க நிறுவனத் தலைவருமான விஜயகாந்த் கடந்த சில தினங்களுக்கு முன்பு உடல்நலக் குறைவால் காலமானார். அவருடைய மறைவு இந்திய அளவில் பெரும் சோகத்தை ஏற்படுத்தியது. அவரது மறைவுக்கு பல்வேறு தரப்பினரும் இரங்கல் தெரிவித்து வருகின்றனர்.  சென்னை கோயம்பேட்டில் உள்ள தே.மு.தி.க தலைமை அலுவகத்தில் உள்ள அவரது நினைவிடத்திற்கு நேரில் சென்று பலரும் அஞ்சலி செலுத்தி வருகின்றனர். 

இந்த நிலையில், மறைந்த விஜயகாந்த்தின் இல்லத்திற்கு இன்று நேரில் சென்ற மத்திய வர்த்தகம் மற்றும் தொழில்துறை அமைச்சர் பியூஷ் கோயல், அங்கு வைக்கப்பட்டுள்ள அவரது திருவுருவப்படத்திற்கு மலர் தூவி மரியாதை செலுத்தினார். இதன்பிறகு, விஜயகாந்த்தின் குடும்பத்தினருக்கு அமைச்சர் பியூஷ்  கோயல் ஆறுதல் கூறினார். அவருடன் கரு.நாகராஜன் உள்ளிட்ட பா.ஜ.க-வின் முக்கிய நிர்வாகிகள் இருந்தனர்.