நவம்பர் மாதத்தின் முதல் நாளான இன்றும் தங்கம் விலை சவரனுக்கு ரூ. 232 அதிரடியாக குறைந்துள்ளது. சென்னையில் 22 கேரட் ஆபரணத்தங்கத்தின் விலை ஒரு சவரன் ரூ. 45,488-க்கு விற்பனை செய்யப்படுகிறது.
/indian-express-tamil/media/media_files/Owp1RoIHL7H4a81cvH4w.jpg)
இந்தியாவில் தங்கம் விலை கடந்த மார்ச் மாத தொடக்கத்தில் இருந்து ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது. தற்போது இஸ்ரேல் - பாலஸ்தீனம் இடையே போர் நிலவி வருவதால், கடந்த மாத தொடக்கத்தில் குறைந்து வந்த தங்கத்தின் விலை கடந்த சில நாட்களாக கிடுகிடுவென உயர்ந்து வந்தது.
இந்நிலையில், இந்த வாரத்தில் தங்கம் அதிரடியாக குறைய தொடங்கியுள்ளது. தொடக்க நாளாக கடந்த திங்கள் கிழமை தங்கத்தின் விலை சவரனுக்கு ரூ.288 அதிரடியாக குறைந்தது. இதேபோல் நேற்று செவ்வாய்க்கிழமையும் தங்கம் விலை சவரனுக்கு ரூ.160 அதிரடியாக குறைந்து, ஒரு சவரன் ரூ.45,720-க்கும், கிராமுக்கு ரூ.20 குறைந்து ஒரு கிராம் தங்கம் ரூ.5,715 -க்கும் விற்பனை செய்யப்பட்டது.
இந்த நிலையில், நவம்பர் மாதத்தின் முதல் நாளான இன்றும் தங்கம் விலை சவரனுக்கு ரூ. 232 அதிரடியாக குறைந்துள்ளது. அதன்படி, இன்று சென்னையில் 22 கேரட் ஆபரணத்தங்கத்தின் விலை சவரனுக்கு ரூ.232 குறைந்து ரூ. 45,488-க்கு விற்பனை செய்யப்படுகிறது. கிராமுக்கு ரூ.29 குறைந்து ஒரு கிராம் தங்கம் ரூ.5,686 -க்கு விற்பனை செய்யப்படுகிறது.
24 கேரட் ஆபரணத்தங்கத்தின் விலை ஒரு கிராம் 6,203-க்கும், ஒரு சவரன் ரூ. 49,624-க்கும் விற்பனை செய்யப்படுகிறது.
வெள்ளி விலை
தங்கத்தைப் போலவே வெள்ளியின் விலையும் அதிரடியாக சரிந்துள்ளது. கிராமுக்கு ரூ.1.20 காசுகள் குறைந்துள்ள வெள்ளி விலை ஒரு கிராம் வெள்ளி ரூ.77-க்கு விற்பனை செய்யப்படுகிறது. ஒரு கிலோ வெள்ளி ரூ.77,000-க்கு விற்கப்படுகிறது.
