பிஎஸ்இ மற்றும் என்எஸ்இயில் மாலை 6:00 மணி முதல் 6:08 மணி வரை திறந்தநிலை சந்தை அமர்வு நடைபெறும். அன்றைய தினம் மாலை 6 மணி முதல் 7.15 மணி வரை ஒரு மணி நேரம் தீபாவளி முகூர்த்த டிரேடிங் நடைபெறும்.
/tamil-ie/media/media_files/uploads/2023/06/ls-bse-2.jpg)
இந்த ஆண்டு (2023) தீபாவளி நவம்பர் 12ஆம் தேதியன்று கொண்டாடப்பட உள்ளது. இந்த நிலையில், முன்னணி பங்குச் சந்தைகளான மும்பை பங்குச் சந்தை (BSE) மற்றும் தேசிய பங்குச் சந்மை (NSE) அன்றைய தினம் மாலை 6 மணி முதல் 7.15 மணி வரை ஒரு மணி நேரம் திறந்திருக்கும்.
இது சிறப்பு முகூர்த்தம் என அழைக்கப்படும். மேலும், பிஎஸ்இ மற்றும் என்எஸ்இயில் மாலை 6:00 மணி முதல் 6:08 மணி வரை திறந்தநிலை சந்தை அமர்வு நடைபெறும்.கமாடிட்டி டெரிவேட்டிவ் பிரிவிலும், முகூர்த்த (முஹுரத்) டிரேடிங் மாலை 6:15 மணி முதல் 7:15 மணி வரை நடைபெறும். இருப்பினும், வர்த்தக மாற்றம் இரவு 7:25 மணி வரை இருக்கும்.
நாணய பிரிவு சந்தையில், வர்த்தக ரத்து கோரிக்கைகளை இரவு 7:30 மணி வரை வைக்கலாம். அழைப்பு ஏலத்தில் வர்த்தக மாற்றம் இரவு 7:40 மணிக்கு முடிவடையும். தீபாவளி 2023 முஹுரத் வர்த்தக அமர்வில் இந்திய பங்குச் சந்தையில் அனைத்து வர்த்தகங்களும் செய்யப்படும்.
