இன்றும் தங்கம் விலை அதிகரித்துள்ளது. சென்னையில் இன்று ஆபரணத்தங்கத்தின் விலை சவரனுக்கு ரூ. 40 அதிகரித்து ஒரு சவரன் ரூ.45,640-க்கு விற்பனை செய்யப்படுகிறது. இந்தியாவில் தங்கம் விலை கடந்த மார்ச் மாத தொடக்கத்தில் இருந்து ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது. தற்போது இஸ்ரேல் - பாலஸ்தீனம் இடையே போர் நிலவி வருவதால், கடந்த மாத தொடக்கத்தில் குறைந்து வந்த தங்கத்தின் விலை கடந்த சில வாரங்களாக கிடுகிடுவென உயர்ந்து வருகிறது.
இன்றைய தங்கம் விலை நிலவரம்:
இந்நிலையில், கடந்த வெள்ளிக்கிழமை சவரனுக்கு ரூ.520 அதிரடியாக அதிகரித்து ஒரு சவரன் ரூ.45,600-க்கும், கிராமுக்கு ரூ.65 அதிகரித்து ரூ.5,700-க்கும் விற்பனை செய்யப்பட்டது. அதனைத் தொடர்ந்து, கடந்த சனிக்கிழமை தங்கம் விலையில் எந்த மாற்றமும் இன்றி விற்பனை செய்யப்பட்டது. இந்த நிலையில், இன்றும் தங்கம் விலை அதிகரித்துள்ளது. அதன்படி, சென்னையில் இன்று ஆபரணத்தங்கத்தின் விலை சவரனுக்கு ரூ. 40 அதிகரித்து ஒரு சவரன் ரூ.45,640-க்கு விற்பனை செய்யப்படுகிறது. கிராமுக்கு ரூ.5 அதிகரித்து ஒரு கிராம் ரூ.5,705-க்கு விற்பனை செய்யப்பட்டு வருகிறது.24 கேரட் ஆபரணத்தங்கத்தின் விலை ஒரு கிராம் ரூ.6,223-க்கும், ஒரு சவரன் ரூ.49,784-க்கும் விற்பனை செய்யப்படுகிறது.
வெள்ளி விலை:
வெள்ளி விலையில் எந்த மாற்றமும் இன்றி, ஒரு கிராம் வெள்ளி ரூ. 79-க்கு விற்பனை செய்யப்படுகிறது. ஒரு கிலோ வெள்ளி ரூ.79,000-க்கு விற்கப்படுகிறது.
