மழை வெள்ளத்தால் பாதிக்கப்பட்டோருக்கு நிவாரணத் தொகையை ரூ.12,000 ஆக உயர்த்தி வழங்க வேண்டும் என்று இ.பி.எஸ் வலியுறுத்தி உள்ளார். மழை வெள்ளத்தால் பாதிக்கப்பட்டோருக்கு நிவாரணத் தொகையை ரூ.12,000 ஆக உயர்த்தி வழங்க வேண்டும் என்று இ.பி.எஸ் வலியுறுத்தி உள்ளார்.மிக்ஜாம் புயல் வெள்ளத்தால் பாதிக்கப்பட்ட மக்களுக்கு ரூ. 6,000 நிவாரணமாக வழங்கப்படும் என்று தமிழக அரசு அறிவித்துள்ளது. இந்த நிவாரண நிதி அந்ததந்த ரேஷன் கடைகள் மூலம் ரொக்கமாக தரப்படும் என்று தெரிவிக்கப்பட்டது.
இந்நிலையில் மழை வெள்ளத்தால் பாதிக்கப்பட்டோருக்கு நிவாரணத் தொகையை ரூ. 12,000 ஆக உயர்த்தி வழங்க வேண்டும் என இ.பி.எஸ் வலியுறுத்தி உள்ளார்.இது தொடர்பாக அவர் வெளியிட்ட அறிக்கையில் கூறியிருப்பதாவது “ மழை வெள்ளத்தால் பாதிக்கப்பட்டோருக்கு நிவாரணத் தொகையை ரூ. 12,000 ஆக உயர்த்தி வழங்க வேண்டும். திமுக அரசின் முன்னெச்சரிக்கை நடவடிக்கை குறைபாட்டால் மக்கள் அனைத்து உடமைகளையும் இழந்துள்ளனர்.
வெள்ளத்துடன் கழிவு நீரும் வீடுகளை சூழ்ந்துள்ளதால் மக்கள் ஒரு வாரமாக வேலைக்கு செல்ல இயலவில்லை. இருசக்கர வாகங்களுக்கான சிறப்பு முகாம்களை நடத்தி அரசு செலவில் பழுதி நீக்கி தர வேண்டும்.மணலியில் எண்ணெய் கழிவுகளால் பாதிக்கப்பட்ட குடும்பங்களுக்கு கூடுதலாக ரூ. 25,000 வழங்க வேண்டும். காஞ்சிபுரம், செங்கல்பட்டு, திருவள்ளூர், மாவட்டங்களில் சேதமடைந்த நெற்பயிர்களுக்கு ஏக்கர் ஒன்றுக்கு ரூ. 25,000 இழப்பீடாக வழங்க வேண்டும்.
சென்னை மற்றும் புறநகரில் சேதமடைந்த சாலைகள் போர்கால அடிப்படையில் சீர் செய்ய வேண்டும். வெள்ளத்தால் பாதிக்கப்பட்ட பகுதிகளில் சிறப்பு முகாம்கள் நடத்தப்பட வேண்டும். எந்த நிபந்தனையும் இன்றி பாதிக்கப்பட்ட மக்கள் அனைவருக்கும் நிவாரணத் தொகை வழங்க வேண்டும் என்று” குறிப்பிடப்பட்டுள்ளது.
