12 அணிகள் களமாடி வரும் 10-வது புரோ கபடி லீக் போட்டி குஜராத் மாநிலம் அகமதாபாத்தில் நேற்று முன்தினம் சனிக்கிழமை முதல் தொடங்கி நடைபெற்று வருகிறது. இதில் தொடக்க லீக் போட்டியில் குஜராத் அணி 38-32 என்ற புள்ளி கணக்கில் தெலுங்கு டைட்டன்சை வீழ்த்தி போட்டியை வெற்றியுடன் தொடங்கியது.
/indian-express-tamil/media/media_files/FbwSGVG8GNxKiSuxAu9G.jpg)
இதைத்தொடர்ந்து நடந்த மற்றொரு ஆட்டத்தில் முன்னாள் சாம்பியனான யு மும்பா அணி 34-31 என்ற புள்ளி கணக்கில் உ.பி.யோத்தாசை வீழ்த்தியது. நேற்று ஞாயிற்றுக்கிழமை இரவு 8 மணிக்கு நடந்த போட்டியில் தமிழ் தலைவாஸ் அணி தபாங் டெல்லியை 42-31 என்கிற புள்ளிகள் கணக்கில் வீழ்த்தியது.
இதனைத் தொடர்ந்து இரவு 9 மணிக்கு நடந்த போட்டியில் குஜராத் ஜெயண்ட்ஸ் அணி பெங்களூரு புல்ஸ் அணியை 34-31 என்ற புள்ளிகள் கணக்கில் வீழ்த்தியது. இந்நிலையில், இன்று திங்கள்கிழமை இரவு 8 மணிக்கு தொடங்கும் போட்டியில் புனேரி பல்டன் - ஜெய்ப்பூர் பிங்க் பாந்தர்ஸ் அணிகள் மோதுகின்றன.தொடர்ந்து, இரவு 9 மணிக்கு தொடங்கும் ஆட்டத்தில் பெங்களூரு புல்ஸ் - பெங்கால் வாரியர்ஸ் அணிகள் மோதுகின்றன.
