தீபாவளி தொடர் விடுமுறை: இவர்களுக்கு மின்வாரியம் அறிவித்த குட்நியூஸ்

தீபாவளி தொடர் விடுமுறை காரணமாக அபராதத் தொகையுடன் மின் கட்டணம் செலுத்தியவர்களுக்கு கூடுதல் தொகை திருப்பி வழங்கப்படும் என தமிழ்நாடு மின்வாரியம் அறிவித்துள்ளது. 

நாடு முழுவதும் தீபாவளி பண்டிகை நவ.12-ம் தேதி ஞாயிற்றுக்கிழமை உற்சாகமாக கொண்டாடப்பட்டது. மக்கள் பண்டிகையை தங்கள் சொந்த ஊர்களில் கொண்டாட வசதியாக  நவ. 11,12,13-ம் தேதி பொது விடுமுறையாக அறிவிக்கப்பட்டது.  இந்நிலையில், இந்த தேதிகளில் மின் கட்டணம் செலுத்த கடைசி தேதியாக இருந்த பயனர்கள் செவ்வாய்க்கிழமை அபராத தொகையுடன் கட்டணம் செலுத்த வேண்டி இருந்தது. 

இந்நிலையில் இது தொடர்பாக மின் வாரியம் அறிவித்த அறிவிப்பில், நவ. 11,12,13-ம் தேதி மின் கட்டணம் செலுத்த கடைசி தேதியாக அறிவிக்கப்பட்ட பயனர்கள் மறு நாள் அபராத தொகையுடன்  கட்டணம் செலுத்தி இருந்தால் அவர்களுக்கு கூடுதல் கட்டணம் திருப்பி வழங்கப்படும். அதாவது, அடுத்த மின் கட்டணத்தில் இந்த கூடுதல் தொகை சரிசெய்யப்படும் என அறிவித்துள்ளது.