தங்கம் விலை இன்று சவரனுக்கு ரூ.560 அதிரடியாக சரிந்துள்ளது. வார இறுதியில் தங்கம் விலை சரிந்துள்ளது நகைப் பிரியர்கள் மற்றும் இல்லத்தரசிகள் மகிழ்ச்சியில் உள்ளனர். இந்தியாவில் தங்கம் விலை கடந்த மார்ச் மாத தொடக்கத்தில் இருந்து ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது. இதனிடையே, இஸ்ரேல் - பாலஸ்தீனம் இடையே நிலவி வரும் போர் காரணமாக கடந்த மாத தொடக்கத்தில் குறைந்து வந்த தங்கத்தின் விலை கடந்த சில வாரங்களாக கிடுகிடுவென உயர்ந்து வருகிறது.
இன்றைய தங்கம் விலை
இந்நிலையில், கடந்த திங்கள்கிழமை தங்கம் விலை அதிரடியாக சவரனுக்கு ரூ. 480 அதிகரித்தது. ஆனால், மறுநாள் செவ்வாய்க்கிழமை தங்கம் விலை அதிரடியாக சவரனுக்கு ரூ. 1000 சரிந்தது. இதேபோல், 2வது நாளாக புதன்கிழமையும் தங்கம் விலை சவரனுக்கு ரூ. 280 அதிரடியாக குறைந்தது. ஆனால், மறுநாள் வியாழக்கிழமை தங்கம் விலை சவரனுக்கு ரூ.40 அதிகரித்தது. இதேபோல் நேற்று வெள்ளிக்கிழமையும் தங்கம் விலை சவரனுக்கு ரூ.120 அதிரடியாக அதிகரித்து ஒரு சவரன் ரூ.46,680-க்கும், கிராமுக்கு ரூ.15 உயர்ந்து ஒரு கிராம் ரூ.5,835-க்கும் விற்பனை செய்யப்பட்டது. இந்த நிலையில், தங்கம் விலை இன்று சவரனுக்கு ரூ.560 அதிரடியாக சரிந்துள்ளது. வார இறுதியில் தங்கம் விலை சரிந்துள்ளது நகைப் பிரியர்கள் மற்றும் இல்லத்தரசிகள் மத்தியில் நல்ல செய்தியாக பார்க்கப்படுகிறது.
இன்று 22 கேரட் ஆபரணத்தங்கத்தின் விலை சவரனுக்கு ரூ.560 சரிந்து ஒரு சவரன் ரூ.46,120-க்கு விற்பனை செய்யப்படுகிறது. கிராமுக்கு ரூ.70 குறைந்து ஒரு கிராம் ரூ.5,765-க்கு விற்பனை செய்யப்படுகிறது.24 கேரட் ஆபரணத்தங்கத்தின் விலை ஒரு கிராம் ரூ. 6,289-க்கும், ஒரு சவரன் ரூ. 50,312-க்கும் விற்பனை செய்யப்படுகிறது.
வெள்ளி விலை
தங்கத்தைப் போலவே வெள்ளியின் விலையும் அதிரடியாக சரிந்துள்ளது. கிராமுக்கு ரூ.2 சரிந்து ஒரு கிராம் வெள்ளி ரூ.78-க்கும், ஒரு கிலோ வெள்ளி ரூ.78,000-க்கும் விற்பனையாகிறது.
