செவ்வாய்க்கிழமை கேரளாவுக்குத் திரும்பும் மோடி- பூத் கமிட்டி பணிகளை ஆய்வு செய்ய திட்டம்

லோக்சபா ஆயத்தத்தை முடுக்கி விடுவதற்காக செவ்வாய்க்கிழமை கேரளாவுக்குத் திரும்பும் மோடி, முதன்முறையாக பூத் அளவிலான நிகழ்ச்சியை நடத்துகிறார்; வளர்ச்சித் திட்டங்களை துவக்கி வைக்கிறார்.கேரளாவில் பாரதிய ஜனதா கட்சியின் லோக்சபா பிரச்சாரத்தை தொடங்கிவைத்து திருச்சூரில் தனது ரோட்ஷோ மற்றும் பேரணி நடத்திய இரண்டு வாரங்களுக்குள்,

பிரதமர் நரேந்திர மோடி செவ்வாய்க்கிழமை தொடங்கி இரண்டு நாள் பயணமாக கேரளாவுக்கு மீண்டும் வருகிறார்,அதன் ஒரு பகுதியாக, மோடி பூத் அளவிலான ஏற்பாடுகளை ஆய்வு செய்வார் மற்றும் இன்னும் இரண்டு மாதங்களில் வரவிருக்கும் தேர்தலுக்காக உள்ளூர் தலைவர்களுடன் கலந்துரையாடுவார். 

கேரளாவில் பூத் அளவிலான பணியாளர்களுக்கான நிகழ்ச்சியை பிரதமர் நடத்துவது இதுவே முதல் முறை. தென் மாநிலத்தில் பா.ஜ.க தனது காலூன்ற முயலுவதால், அதன் தொண்டர்களை வலுப்படுத்த தீவிரமாக முயற்சிக்கிறது என்பதை இது குறிக்கிறது. இதுவரை இடதுசாரிகளுக்கும் காங்கிரஸுக்கும் இடையே ஊசலாடிய கேரளாவில் பா.ஜ.க ஒரு லோக்சபா தொகுதியில் வெற்றி பெற்றதில்லை. 2016-ல் மட்டுமே சட்டமன்றத் தொகுதியில் வெற்றி பெற்றது, ஆனால் 2021-ல் CPI(M)-யிடம் இதையும் இழந்தது.