ஜெய்ப்பூரில் உள்ள எஸ்எம்எஸ் உள்விளையாட்டு அரங்கத்தில் இன்று இரவு 8 மணிக்கு அரங்கேறும் லீக் ஆட்டத்தில் ஜெய்ப்பூர் பிங்க் பாந்தர்ஸ் - தெலுங்கு டைட்டன்ஸ் அணிகள் மோதுகின்றன. 10-வது புரோ கபடி லீக் திருவிழா கடந்த 2ம் தேதி தொடங்கி இந்தியாவில் விறுவிறுப்பாக நடந்து வருகிறது.
இந்த தொடரில் பெங்கால் வாரியர்ஸ், பெங்களூரு புல்ஸ், தபாங் டெல்லி, குஜராத் ஜெயன்ட்ஸ், அரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பால்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோத்தாஸ் ஆகிய 12 அணிகள் களமாடி வருகின்றன.
மும்பையில் நடந்து வந்த லீக் சுற்று நிறைவடைந்த நிலையில், அடுத்த சுற்று ஆட்டங்கள் ஜெய்ப்பூரில் நடக்க உள்ளது. இதில் ஜெய்ப்பூரில் உள்ள எஸ்எம்எஸ் உள்விளையாட்டு அரங்கத்தில் இன்று இரவு 8 மணிக்கு அரங்கேறும் லீக் ஆட்டத்தில் ஜெய்ப்பூர் பிங்க் பாந்தர்ஸ் - தெலுங்கு டைட்டன்ஸ் அணிகள் மோதுகின்றன. இதனைத் தொடர்ந்து இரவு 9 மணிக்கு நடைபெறும் ஆட்டத்தில் புனேரி பால்டன் - குஜராத் ஜெயன்ட்ஸ் அணிகள் மோதுகின்றன.
